Tuesday, July 7, 2015

MAMBO YALIOKUWA HAYAWEZEKANI MIAKA 20 ILIOPITA.

1:37 AM | Posted by | | Edit Post
Mabadiliko ni kama maji huweza kuchukua umbo la sura yeyote. Na huweza kufuata uelekeo mmoja au zaidi. Ukitazama  sura ya teknolojia iliopo leo utabaini hii sio taswira iliokuepo jana, yaani miaka 20 iliyopita. Mageuzi haya yanatokea huku wagunduzi kuntu wakiwa ni miongoni mwa watu adimu katika hiki kipindi. Richa ya kukosekana kwa wagunduzi nguri wakiwemo; Isack Newton, Pythogrus, Edson Thomas,  kati ya miaka  1995 hadi 2015 . Kuna upepo wa mabadiliko unaoletwa na waboreshaji wanaofuata misingi ya hao wagunduzi kuntu. Wagunduzi dhahiri, wangunduzi halisi , wagunduzi waliovuma miaka yote.  Ndani ya hiki kipindi cha miongo miwili ( miaka 20 ).  Kuna wabunifu wanaochipukia na kumiminika kama utitiri.  Hawa ndio shina linaloshikilia urahisi wa maisha na urahisi wa mawasiliano katika dunia ya leo. Hali inayopelekea mambo yaliokuwa hayawezekani miaka 20 iliyopita kufanikiwa. Na hapa ni baadhi ya hayo mambo

1.IMO,SKYPE












Kitendo cha kuonana ana kwa ana baina ya watu wawili walio katika sehemu tofauti za mchi , ilikuwa ni kitendawili katika niaka ya 90.  Ahsanteh kwa teknolojia ya imo na skype kwa kuleta nyuso na sauti za watu karibu.  Wapendanao waliokuwa wametenganishwa na umbali,  masomo,  kazi na majukumu  ,sasa wanafursa ya kusalimiana na kutazamana kwa ukaribu kama pua na mdomo.

2.WHATSAPP
Ilikuwa ni rahisi  kwa mganga wa kienyeji wakati ule. Kuendesha majadiliano na watu anaowaona yeye tu , kama hiyo haitoshi aliweza kusema kitakachojiri  duniani kabla ya mimi na wewe kutambua lolote.Baada ya simu kuingia kila mtu kapatiwa uwezo huo. Tena kama ina whats app ndio mtajadiliana hadithi zote kuanzia; siasa , katiba, tamaduni , uongozi, ajira, michezo, burudani ,utabiri wa hali ya hewa,kubet n.k .Vyanzo vya hizi habari kwa mwaka 2015 sio tena ‘mafundi’ au waganga wa kienyeji  pekee bali ni rafiki zako,wanafunzi wenzako,wafanyakazi na jamaa uliohifadhi namba zao katika simu ya kiganjani mwako. Kwa kutumiana jumbe za sauti,picha na video  Whats app hukupa maarifa pamoja  na taarifa za hayo matukio mbalimbali


3.YOUTUBE
 1995,Televisheni ilikuwa ni kila kitu juu ya masuala ya video. Kuona ‘kichupa’ au video mpya ya msanii unayempenda ilikupasa utege jicho kwa luninga. Ukikosa tukio kubwa katika taarifa ya habari ulitakiwa kuwa mvumilivu hadi taarifa irudiwe, vinginevyo ungoje  kipindi maalumu au mwisho wa wiki. Hali sio hiyo tena miaka ya kuanzia 2005, na Shukrani za kipekee ziendee  youtube kwa kutupa uhondo wa video tulizokosa, tuzitakazo katika muda wowote, mahali popote na kwa mtu yeyote.  matukio makubwayaliokupita au uliyoyakosa katika tv utayapa hapa.

4.SHAZAM
Unakumbuka enzi hizo ukisikia mziki mzuri redioni, unatamani mtangazaji ataje jina la huo wimbo?. Ama unapita mahala kuna mdundo wa nyibo za ughaibuni,zinakugusa moyoni lakini hujui msanii wala jina la wimbo? Hii shida sasa imefika mwisho.Mwaka 2015 Kazi imerahisishwa sana .  Ni vyepesi zaidi ya kumsukuma mlevi. Kwa kutumia shazam unaelekeza tu simu au komputa karibu na mdundo wa nyimbo,  na ndani ya sekunde umeshapata jina la msanii na nyimbo 
.
5.GOOGLE EARTH

Zamani ilikuwa ni ngumu kufika pointi moja  bila kuwa na mwenyeji, bila kuuliza ama kupanda chombo cha usafiri. 2015 unaweza kutembea dunia nzima bila kukwea pipa, kuchukuwa treni, kupita na meli wala kupanda basi. Ikiwa una google earth na mji una ramani mtandaoni  , utaelekezwa  njia za kupita kwa mguu, kwa gari hadi sehemu za kuvinjari, hotel, supermarket, beach  na kona za afya ;  hospitali, zahanati, na maduka ya madawa baridi. Google hawatoi tu ramani bali pia vituo mhimu unavyotaka kujua
 .
6.FACEBOOK
Karibu kila mmoja ana damu ya uandishi. kubali!, kataa!. Kwa maana anafurahi kushirikisha jamii dhidi ya mafanikio  ,mipango, ndoto,  huku akitia moyo marafiki na kuomba msaada wa maombi kwa ndugu hata pongezi kuto kwa jamaa . Mmoja yupo huru kutoa mawazo na hisia zake mbele ya wengine. Hii sehemu ya maisha ya mtu mmoja dhidi ya wengine hufanyika kwa maandishi yanayoambatanishwa na picha nzuri ya mhusika. Kama ishara ya kujuza jamii nini kinachoendelea upande wake. Endapo hujui ninachojaribu kuelezea hapa,  nakusihi jiunge na facebook, ukashuhudie jinsi uhuru wa kujieleza ‘freedom of expression’ inavyotendewa haki. Ikiwa una kumbukumbu nzuri, pengine umebahatika kuishi na wezee katika miaka ya 90. Utaona  bibi na babu zetu hawakufaidi dhana nzima ya uhuru wa mawasiliano.Ukilinganisha na FACEBOOK

7.TWITTER
Nakumbuka nilisoma kitabu kimoja zamani kidogo, ambacho kilielezea namna wafalme walivyokuwa wakituma jumbe ulimenguni.Kitendo kilifanya na mtu mwenye mbio sana aliagizwa kupeleka nyaraka katika himaya nyingine , na hiyo himaya  iliteua mjumbe wao mwenye kasi sana mpaka falme ya tatu .Ambayo pia ilieneza habari katika falme ya nne. Mtindo uliendelea  mpaka falme ya sita ,saba hadi  ya mwisho.Na baada ya miaka habari ilienea ulimenguni kote. Stori ya hiki kitabu chenye maisha ya zamani, kinafunua muongozo wa teknolojia ya twitter . Kitu ambacho twitter hufanya japo ni ni ndani ya sekunde,au dakika tu. Ni kueneza habari kwa haraka, Hivyo miomgoni mwa matumizi mengi ya tweeter,  dunia nzima hujua nini kimejiri. Kwa kuendeleza habari husika iwe ni Alshabab, Sunami, mapinduzi, ongezeko la joto n.k  .Ndani ya masaa taarifa itakuwa imefika uchina, Marekani, uingereza, Brazil, Australia na Tanzania . Dunia nzima hupelekewa taarifa kwa kufanya swala endeleve linaloitwa ‘retweete’

8.INSTAGRAM
Wakati sote tunaamini bank ni nyumba ya pesa, ghala ni nyumba ya mazao na msitu ni sehemu ya miti.  Basi instagram ni nyumba au sehemu ya picha. Zamani kuona picha ya msanii, mtu maarufu au kiongozi mkubwa ilikuwa nadra,  mpaka utafte  gazeti au kutembelea maneo ya kazi zao. Ahsanteh Instagram kutuletea pozi, dizaini, mbwembwe na matukio mengi ya watu hawa katika mfumo wa picha.

9.EBAY, AMAZON, KUPATANA

Unakumbuka wakati unauza bidhaa na hakuna mteja? .Unataka kununua mali hakuna hakuna muuzaji?. Ilikuwa ni zama ya miaka ya 90. Kuanzia mwaka 2015 Ebay, Amazoni, Kupatana.com ( Tanzania )  inatoa uhuru wa kuuza na kununua bidhaa yoyote mtandaoni. Hapa utapata nyumba, mavazi,  usafiri, vitabu, mashamba n.k

10.HULKSHARE, SOUND CLOUD

Sauti ina thamani yake na ili hii haiba idhihirike haina budi kukusanywa pamoja katika mfumo flani. Miaka ya 90,   miziki ilitunzwa vyema katika santuri, kanda , cd na baadae miaka ya 2000 , zikaingia flash. Lakini ukisahau mbinu hizi . Hulkshare na sound clound ni mapinduzi makubwa miongoni mwa mengi katika kutunza, kusikiliza na kupakuwa au ku ’download’ sauti, nyimbo, midundo, mziki unayoipenda.


Monday, June 15, 2015

UNAZIJUA SIRI KUMI ZA MAFANIKIO ZILIZOSEMWA NA A.Y?

5:46 PM | Posted by | | Edit Post
A.Y au Ambwene Yessaya ni mwanamziki mkongwe anayetetemesha bongo fleva likija swala la mafanikio.Msanii huyu kajiwekea mizizi mirefu hadi nje ya mipaka ya Tanzania.Akianzia na kundi la East Coast Army ,A.Y anapata umarufu kwa uwezo wake wa kurap vizuri,na baadae anajitegemea huku akifanyakazi na wasanii wakubwa kama Sean Kingstone,Romeo,n,k. Na hapa anakuuliza ''Ni kitu gani huwafanya watu wawe na mafanikio?'' kisha anasema ''Leo namalizia kukupa siri 10 ambazo ukizizingatia utabadilika na kuwa mtu ambaye kila mmoja atakuwa akikuangalia kama mfano.''Ambwene Yessaya(2015).

1. siri ya kwanza:UNAVYOFIKIRIA NDIO KILA KITU
Siku zote kuwa na mawazo chanya. Fikiria mafanikio na sio kushindwa. Kuwa makini na mazingira hasi. Siri hii inafaa kuwa ya muhimu zaidi kwenye orodha ya mambo ntakayokuambia.Imani kuwa unaweza kuyafikia malengo yako inapaswa kuwa imara. Pindi unapojiambia mwenyewe kuwa ‘siwezi..’, basi hautaweza. Mambo chanya huwatokea watu chanya.

2. siri ya pili:KUWA MSTAHIMILIVE NA JITUME
Mafanikio ni kama marathon na sio mbio fupi. Kamwe usikate tamaa. Ukimuuliza kila mtu aliyefanikiwa leo au ukisoma historia za watu wenye uwezo mkubwa kifedha na maisha kwa jumla, utagundua kuwa walijituma sana hadi kufika hapo walipo.
Hakuna njia ya mkato katika kufikia kilele cha mafanikio. Lakini kama unafanya kitu ambacho unakipenda – basi sioni hata kama unaweza kukiita ni kazi!

3. siri ya tatu: KUWA TOFAUTI
Kama utafanya kitu kile kile kama wengine wanavyofanya, ni ngumu sana kuwa na mafanikio. Ni muhimu sana kupata kitu tofauti na kukomaa nacho.Hivi ndivyo itakuwa rahisi watu kukuona na wewe kupata unachotaka. Iwe ni fedha, uhusiano wenye maana, mtu tofauti huvutia wote.

4.  siri ya nne: ANZA SASA
Watu wengi hushindwa kuufikia uwezo wao wa juu kabisa kwasababu huwa hawaanzi kufanya kitu. Siku zote wamekuwa ni watu wa kujiandaa, kujipanga na kusubiri muda mzuri wa kuanza.Kama ningeendelea kusubiri hadi leo pengine nisingekuwa na mafanikio haya niliyonayo. Kama nisingechukua hatua za kusafiri na kwenda Kenya, Uganda na kwingineko, nisingekuwa msanii ninayejulikana kama hivi sasa.Kama nisingekuwa mjasiri na kuamua mwenyewe kubadilisha video zangu na kuzigharamikia, naamini nisingewapa moyo wasanii wenzangu wanaowekeza sasa kwenye kazi zao. Kujiongeza ni neno sahihi hapa! Kama unataka kujenga nyumba, ni ngumu kupata kwa mfano shilingi milioni 50 za hapo hapo ili uanze. Anza kwa hicho ulichonacho mkononi na utashangaa kuwa una nyumba tayari! Si unaujua ule usemi kuwa hata mbuyu ulianza kama mchicha? 
Je unasubiri kitu fulani kabla ya kuanza? Ni kitu gani kibaya sana kinaweza kutokea kama ukianza sasa? Kama wewe ni mtu ambaye umekuwa ukisubiri muda muafaka ufike, acha kusoma post hii na anza kufanya kile umekuwa ukitaka kufanya. Post hii itaendelea kuwepo hapa hapa ukirejea tena. Ha ha ha ha! Tukutane kwenye siri ya tano! 

5. siri ya tano:ISHI KWA KILE ULICHONACHO/UNACHOINGIZA
Watu wenye uwezo huepuka sana kutumia hovyo fedha zao. Lakini cha ajabu, miongoni mwa wengi wenye kipato cha chini huishi maisha yaliyo juu ya uwezo wao. Hutumia zaidi kuliko kile wanachoingiza na hivyo kujikuta na madeni mengi. Kama wewe ni mtu wa aina hii, punguza sasa ili kujiwekea akiba kwaajili yako na familia yako.

6.  siri ya sita:KUJIWEKEA TABIA NJEMA ZA KILA SIKU
Tabia njema ni msingi wa kutengeneza utajiri. Tofauti kati ya watu waliofanikiwa na wale ambao hawajafanikiwa ipo kwenye tabia zao za kila siku. Watu waliofanikiwa wana tabia njema ama ili kueleweka zaidi niyaite mazoea mengi mazuri kuliko yale mabaya.
Kama unaelewa kuwa tabia zako mbaya zinakukwamisha kuwa tajiri, utambuzi huo utakuwa ni hatua ya kwanza katika kuboresha mienendo yako.
Kwenye kitabu chake kiitwacho ‘Rich Habits - The Daily Success Habits of Wealthy Individuals’, Tom Corley anakupa ushauri wa kuchukua karatasi na kuorodhesha tabia zako mbaya kwenye column moja na kisha zibadilishe kila moja kwenye column nyingi kwaajili ya tabia njema. Mfano ni kama huu:
Tabia mbaya
Ninaangalia mno TV Sikumbuki majina ya watu
Ninajizuia mwenyewe hadi kuwa na saa moja tu ya kuangalia TV
Ninaandika majina ya watu na kuyakumbuka
Watu wengi waliofanikiwa huyazungumzia mafanikio yao kwa kuwaongelea watu fulani waliowasaidia kuwaongoza kufika hapo walipo. Washauri (mentor) wamepitia njia unayohangaika nayo sasa na wanaweza kukuongoza kufika uendako wa haraka zaidi kuliko kama ukienda mwenyewe.
Kama unataka kuwa na afya njema, utahitaji kwenda kwa mshauri ambaye tayari ana afya. Kama unataka kuwa tajiri, basi pia mtafute mtu ambaye ni tajiri akupe baadhi ya siri zake.

Tabia njema
Kisha kwa siku 30, fuata maelekezo ya kwenye orodha ya tabia zako njema. Utashangaa namna utakavyofanikiwa.

7. siri ya saba:USIOGOPE KUOMBA MSAADA
Watu waliofanikiwa hawana kasumba ya kufa na tai shingoni kama mjerumani. Walipokumbana na vikwazo walitafuta msaada wa hali na mali kwa wale waliokuwa na nafasi kuwazidi.
Kila mmoja na ule uthubutu wa kufanya mambo yake mwenyewe, ni nzuri katika upande mmoja lakini pia mbaya katika upande mwingine.
Kama kuna mtu unamfahamu ni mjuzi kwenye sekta fulani na unahisi anaweza kukusaidia katika mradi wako sio mbaya ukimshirikisha katika ushauri.

8. siri ya nane:NI MARUFUKU KUKATA TAMAA
Safari ya kuyafikia mafanikio sio rahisi hata kidogo. Kama unataka kuwa na maisha mazuri kwa njia halali, ni lazima utakutana na vikwazo vingi ambavyo kama hutokuwa jasiri, ni rahisi sana kuanguka.Usikate tamaa pale mambo yanapokuwa magumu. Watu waliofanikiwa huvumilia. Hubadilisha njia. Hujaribu kitu kipya. Husonga mbele. Wanaweza kubadilisha muelekeo lakini huendelea mbele.

9. siri ya tisa:TAFUTA USHAURI KWA WATU WALIOFANIKIWA
Watu wengi waliofanikiwa huyazungumzia mafanikio yao kwa kuwaongelea watu fulani waliowasaidia kuwaongoza kufika hapo walipo. Washauri (mentor) wamepitia njia unayohangaika nayo sasa na wanaweza kukuongoza kufika uendako wa haraka zaidi kuliko kama ukienda mwenyewe.Kama unataka kuwa na afya njema, utahitaji kwenda kwa mshauri ambaye tayari ana afya. Kama unataka kuwa tajiri, basi pia mtafute mtu ambaye ni tajiri akupe baadhi ya siri zake.



10.siri ya kumi:JIWEKEE AKIBA
Wahenga walisema akiba haiozi na haba na haba hujaza kibaba. Watu wengi hudhani kuwa ili uweze kuweka akiba ni lazima uwe na kipato cha juu. Nakubali kabisa kuwa wakati mwingine watu hujikuta tukishindwa kutunza chochote kwasababu majukumu ni mengi kuzidi kipato chetu, lakini hebu chukua mfano huu:
Wakati ulipokuwa ukiingiza 50,000 kwa wiki, kwanini uliweza kuishi kwa hicho unachokipata na maisha yalienda? Kisha ulipokuja kupata 100,000 kwa wiki maisha yalibadilika kwa muda lakini baadaye ukaja kuona tena kuwa hiyo nayo haitoshi! Fundisho hapo ni kuwa binadamu hatuwezi kuridhika kwa kile tunachokipata na kwamba tunaishi kwa kile kinachopatikana.
Kwahiyo kama unaingiza 50,000 kwa wiki, ukifanikiwa tu kuweka 5,000 kwa wiki, kwa mwaka mzima utakuwa umeweka akiba ya 260,000! Lakini pia utaweza kujibana na kuishi kwa 45,000 iliyobakia.
Wengi wenu hapa mnapata zaidi ya hapa hivyo kama mkiwa na desturi ya kujiwekea akiba, hutaamini kiasi cha fedha ambacho utakuwa umefikisha baada ya mwaka mmoja au miaka mitano kwa malengo marefu zaidi. Anza sasa kujiwekea akiba.
Watu wengi waliofanikiwa huyazungumzia mafanikio yao kwa kuwaongelea watu fulani waliowasaidia kuwaongoza kufika hapo walipo. Washauri (mentor) wamepitia njia unayohangaika nayo sasa na wanaweza kukuongoza kufika uendako wa haraka zaidi kuliko kama ukienda mwenyewe.
Kama unataka kuwa na afya njema, utahitaji kwenda kwa mshauri ambaye tayari ana afya. Kama unataka kuwa tajiri, basi pia mtafute mtu ambaye ni tajiri akupe baadhi ya siri zake.
Je! Siri hizi 10 nilizokupa zimekufundisha au kukuwekea kitu kichwani?





Tafiti:sababu chanya za vijana wengi kupenda mziki.

1:16 AM | Posted by | | Edit Post
Ni kwa muda sasa katika jamii nyingi kumwona kijana kavaa headphone akisikiliza mziki. Swali tunalojiuliza. Ni je hawa vijana wanavutiwa na asali ipi katika hiyo burudani? Tena sio jambo la kushangaza kusikia mdundo mkubwa ndani ya vyumba vya wanachuo na makazi ya vijana hasa wale walio wapya katika ajira.Wakati mikito ya muziki haitenganishwi na masikio ya vijana wengi.Siku hizi kuna magari,kumbi za starehe,ambazo ni mahususi kwa kuweka wadau wa mziki pamoja.Kama wewe ni mpezi wa fukwe lazima utakua unazijua hiace na gari binafsi ambazo huja na mziki 'mnene'.Na kama umeingia night club au kupita mahala penye disco ni rahisi sana kubaini kundi la masharobalo wakiegeza mfano wa wasanii wa magharibi wanaofanya miondoko ya kufoka foka. Remmy Ongala kutoka Afrika aliwahi kuuliza mziki ni nini?Kujua zaidi mziki ni nini na kwa sababu gani  vijana wanapenda sana mziki soma tafiti hapa chini.

1.Kufanya kazi wakati kuna mziki inapelekea hali chanya na kuongeza uzarishaji


2.Mdundo na mkito hufanya akili ijiamini na kuwa na nguvu

3.Kusikiliza mziki mara kwa mara ni tiba ya ubongo dhidi ya uvimbe wa hilo eneo(brain tumor)

5.Sauti kubwa kwa baadhi ya wapenda mziki huwapa furaha 




6.Maneno na mapigo katika baadhi ya miziki hupunguza msongo wa mawazo


7.Mziki hukomaza hisia changa na ni dawa ya kujiamini

9.kiafya inasemekana mziki huchangia kuzalishwa kwa chembe hai , kinga ya mwili na hupunguza matatizo ya moyo



Sunday, June 14, 2015

Huwezi kuamini hawa maraisi 9 walipitia ualimu

11:42 PM | Posted by | | Edit Post
Wahenga husema ukitaka kuruka juu sharti uagane na nyonga na mgaa gaa na upwa hali wali mkavu.Ivi ni nani anayeamini mwalimu anaweza kufika mbali awe raisi au kiongozi wa nchi? Wakati  ukweli unasadiki kuwa, nafasi hizo za juu huheshimika kwa sababu ni kitovu cha mamlaka makubwa na hukaliwa na  wachache .Kuna asilimia kubwa ya viongozi katika ikulu  chimbuko lao linatokana na kazi ya kufundisha watu darasani.Kitendo kinachowapa  msingi wa kusimama mbele ya halaiki wakizungumza na kuongoza  .Haya matunda ya ualimu ni kiiza machoni pa  watu wanaobeza taaluma hiyo kila kukicha.Kwa madai kuwa   ’ualimu ni kitanzi cha ajira ‘ na(walimu) hawaishiwi vitimbwi dhidi ya serikali .Ukizingatia katika moja ya sherehe za wafanyakazi hapa nchini, waalimu  wamewahi kutuma ujumbe kwa raisi uliovuta umakini wa mamilioni ya watanzania.Ujumbe ulibeba maneno mawili tu ,  yaliosomeka ’’shemeji unatuchaje’’lakini ‘message’ ilikuwa ‘sent and delivered’.hahahaha lazima ucheke.Ukiweka kando mzaha  huo na ubezaji, bilashaka tutakubaliana kuwa viongozi na waalimu wana mambo kadhaa yanayoendana,moja ikiwa ni  watu wanaofanya kazi  karibu na jamii , lakini pia wana fursa inayowaka  kama mwenge wa taifa unaosubiliwa kwa hamu ulete maendeleo ya nchi.Basi sikuchoshi tena na wafuatao ni   maraisi waliofikia hicho cheo ilihali wanajua dustor,chaki na rula zinakazi gani ubaoni  
 1.Baraka Obama.

2.Yoweri Museveni.

3.Robert  Gabriel Mugabe

4.bill Clinton

5.Kwame Nkrumah


6.John Evans Atta Mills

7.kenneth Kaunda


8.Benito Mussolin


9.julius Nyerere




Thursday, April 16, 2015

SIRI NANE(8) ZA MATAJIRI

1:53 AM | Posted by | | Edit Post
Katika moja ya kipindi  cha luninga niliona mabishano baina ya watu watatu, hawa jamaa walitofautiana katika misamiati miwili. Msamiati wa kwanza ni ‘utajiri’ na msamiati wa pili  ni ‘tajiri’. Mmoja alisisitiza ''utajiri ni kuwa na chakula kingi,nguo nyingi na nyumba nyingi'' Wapili alikanusha usemi wa mtu wa kwanza na kaka wa tatu akadakia kwa mbwembwe zote akisema''tajiri au utajiri ni kuwa na kile unachotaka''. Mimi kama mtazamaji nilivutiwa  sana na hayo mazungumzo kiasi cha kuweza kutofautisha hiyo nomino (tajiri) na kivumishi (utajiri) kwa upana. Na kabla msomaji hujafika mbali  naomba kwanza tuelewane katika haya mambo mawili; utajiri na tajiri. Nikisema utajiri namaanisha ni kiasi ama hali ya kuwa na uhuru wa fedha unaoambatana na kumiliki mali na raslimali kwa kiwango  ambacho ni tofauti na watu wengi wanaokuzunguka. Na tajiri ni yule mtu ambaye kafikia hiyo hali ya kumiliki  ukwasi (pesa,mali,raslimali) zaidi , kufuatia mipango, jitihada, malengo na bidii katika uwekezaji alioanza  muda mrefu . Huu mchakato wa muda mrefu unaeleza wazi  kuwa, miongoni mwa matajiri wengi   mafanikio  sio lelemama bali ni jasho itokanayo na kudhibiti  matumizi zidi ya mapato. Kitendo kinachowapelekea  mabilionea  wengi wabakiwe na akiba ambayo hutumika mara mbili. Kwanza katika kununua ‘asset’ na pili kulinda biashara zao.Matumizi ya fedha ya ziada katika kununua assets kama  viwanja, mashamba, nyumba za kupangisha hutoa faida nyingine . Hivyo kunakuwa na utajiri mpya unaoletwa na hizo ‘assets’  .  Mchezo ambao ni mwendelezo kama  vile kuku awezavyo kutotoa mayai na mayai yakaleta kuku wengi zaidi.Na tumizi la pili ni jinsi akiba inavoweza kulinda hazina ya mtu mwenye pesa, kwani  akiba inayotokana na miradi ya tajiri huifadhiwa kwa minajili ya kuokoa jahazi pale tu mambo yanapokwenda mrama.Endapo ikitokea ujasiliamali wa  bilionea  unakumbwa na dhoruba ya madeni na hasara, hadi kuyumbisha mradi. Akiba ya tajiri huyo huja kama nanga inayoweza kulinda mradi wake zidi ya dhoruba (madeni, hasara). Na hivyo kuendelea salama akiwa kifua mbele daima. Mpaka hatua hii bado hatujaona siri kubwa za matajiri, ungependa kuzijua ??,Basi msikilize Bill Gate, Michael Jordan, Steve Jobs, Oprah Winfrey na wengine  wakidadavua siri nane za matajiri.

1. ''Kuzaliwa masikini sio kosa lako,kufa masikini ni kosa''Anatoa siri hiyo  Bill Gate ambaye aliacha chuo na kuonekana hafai hadi pale  alipopigana na kujipatia mafanikio  ya utajiri mkubwa ulioletwa na jitihada ya kuanzisha kampuni yake maarufu duniani kama Microsoft.


2.''Nakubali kuna kushindwa , kila mmoja hushwindwa  ila sikubali  kutojaribu tena' Ni siri ya pili anayotoa Michael Jordan, ambaye amewahi kukataliwa na timu yake ya shule ikisemekana hakuwa na kiwango cha kuridhisha katika mchezo wa kikapu simanzi iliyomfanya kumwaga kilio cha uchungu kama mtoto mchanga . Na leo hii baada ya kutoghairi na'kujaribu tena ' Jordan anaitwa mchezaji bora duniani wa ‘basket’ na mwanamichezo tajiri ulimwenguni.


3.''Kila mmoja ni balozi wa maisha yake , hakuna mwingine atawakilisha au kuishi kwa ajili yako''Ni siri ya tatu anayosema  Oprah Winfey aliyewahi kutimuliwa  kazi katika kituo kimoja cha television kwa madai kuwa hakufiti katika hiyo tasinia ya habari. Jambo lililomfanya ajisimamie na kuwa  vyote ‘balozi’na ‘mtendaji’ wa maisha yake akanzisha kipindi  cha televisheni (oprah show) ambacho kilijichukulia umaarufu mkubwa hata kumfanya afungue kituo binafsi cha tv, Oprah tv network. Uwekezaji uliofungua daraja la ujasiliamali na Oprah kuwa miongoni mwa wanawake matajiri duniani.


4.''Maranyingine unapofanya ubunifu ni rahisi kutenda makosa, ni vyema kuyabaini  mapema (makosa) na kusahihisha'' Hii ni siri ya nne iliyobeba mafanikio ya Steve Jobs, muasisi aliyewahi kusimamishwa kwenye kampuni aliyoianzisha mwenyewe kwa madai ya kutofanya vizuri katika kampuni. Kitendo kilichomfanya aionyeshe dunia yeye ni nani hasa pale linapokuja swala la ubunifu wa  teknolojia'innovation'. Kwani hasira za bwana Steve zimesababisha Ipod na iphone kuheshimika sokoni na yeye kurudi kwenye kampuni yake ya Apple kama kinara wa ubunifi aliyeingia kwenye chati ya matajiri wakubwa duniani.


5''Usiogope kufa,ogopa kutojaribu'' Ni maneno ya bwana Shawn Corey Carter maarufu kama Jay Z. Ambaye alitemwa na kampuni kadhaa zinazojihusisha na usambazaji wa ‘albam’.Kisa kilichomchochea mwanamziku huyo wa miondoko ya kufoka foka kuuza na kusambaza kazi zake mwenyewe . Huku akiwa ni mtoto aliyekuzwa na mzazi mmoja (mama). Jay z hakusita kujaribu .kwa kuuza nakala za kazi yake ndani ya gari dogo, na kwa miguu hadi akajulikana na kupata kianzio. Hatua iliyomfanya awe na njozi njema ya kutengeneza Recording Rebel, mavazi  na uwekezaji kibao hadi kuwa miongoni mwa wasanii tajiri duniani 

.
6.''Siri yangu kuwa  na  biashara iliyofanikiwa ni matokeo ya kujituma kwa   bidii'' Anasema Aliko Dangote ambaye alitoka nyumbani na kwenda kuchapa kazi kwa mjomba wake , mtu muhimu  aliyemsaidia Dangote kupata mtaji na kufanya biashara  za sukari, cement ,.Akawa sio tu muuzaji bali mzalishaji wa hizo bidhaa. Baraka hiyo ni jambo lililofungua njia ya mwafrika huyu kuitwa tajiri wa kwanza Nigeria, Tajiri mkubwa Afrika na tajiri wa kwanza duniani kwa watu  weusi. (kwa muujibu wa gazeti la uchumi, Forbes 2014)


7.''Nafasi ya kuishi ni moja lakini hiyo moja ukiitumia vizuri inatosha'' Ni siri ya saba inayosemwa na kundi la the Beatles ambalo linaundwa na waingereza wanne waliofukuzwa studio kwa kile kinachosemakana' wana sauti mbaya na wasingekuwa na manufaa yeyote katika soko la muziki'. Maneno hayo yaliwafanya The beatles watafute studio zaidi na kupiga kazi kama vichaa hadi kuvunja rekodi ya mauzo hapo Uingereza na Marekani. Baadae  album yao ikaitwa ya kwanza na bora duniani . Hivyo ikawa ni fursa ya kupata pesa na kuwekeza . Nafasi iliyopelekea kupata heshima ya ulimwengu kama kundi bora la muda wote katika miondoko ya ‘rock’ na watu waliokamata fedha chafu zaidi miongoni mwa makundi ya miaka ya 1960.



8.''Mafanikio ni asilimia 1 inayotokana na asilimia 99 ya  kushindwa'' ni siri ya mwisho inayoletwa kwenu  na bwn Soichiro Honda ambaye ni enjinia wa kijapani aliepigwa chini na kampuni ya Toyota baada ya kutomzania kama injinia bora.Soichiro hakuwa na  vigezo ikiwemo elimu ya juu.Na hili hakukubali liwe ndio tatizo, kwani kama wenzake tuliowaona,Soichiro Honda aliendelea kutengeneza mashine za magari na pikipiki huku hatua hiyo ikitafsiriwa na baadhi ya watu kama ni ukanjanja na kushindwa.Mazingira yaliomjengea kiu ya kutaka kufanikiwa haraka.Kabla ya kupata tuzo kutoka ujerumani na kuwa raisi wa kampuni yake mwenyewe inayojulikana kama  Honda Motor Company.Inayofanya vizuri dunia nzima  ,kwa kuzarishi sio tu  piki piki bali pia jenereta,magari,mashine za kufyeka nyasi n,k.

Friday, March 20, 2015

Biashara kubwa za kifamilia ambazo zitakuacha mdomo wazi.

12:35 AM | Posted by | | Edit Post

Binafsi nimezoe miradi ya familia ni maduka ya bidhaa kama simu, nguo, mifugo, daladala, n.k. Ambayo huanza na kasi ,baadae kudorora na baadhi ya miradi kupotea kabisa.Tafiti zinaonyesha kuwa kati ya  miradi mitatu ya familia ni mradi mmoja tu hudumu.Na kwa huo mradi unaodumu hakika uongozi  ni sindano kubwa katika kufuma timu ya usimamizi wake.Wakati biashara hii inayomilikiwa kiasi kikubwa na wanafamilia inategemea sana menegementi bora. Mataifa ya Izrael , Canada ambayo uchumi wake umestawishwa kwa zaidi ya asilimia 65 na miradi ya familia.Wanatambua siri nyingine za kufanikiwa kwa biashara zao. Moja, ni mgawanyo wa majaukumu baina ya wanafamilia. Baba, mama ,kaka  na dada anahusika na jukumu moja moja kati ya uhasibu, matangazo, utafiti, soko na maboresho. Korea na India ambao pia ni majabari wa miradi ya familia. Wanatambua fika kuwa,ukuu wao katika hizo biashara ni matokeo mazuri ya kuweka mipango ya kudumu ambayo hufuatwa na kila kizazi kinachorisishwa mradi. Palestine taifa lenye miradi mingi ya famillia kama kitovu cha uchumi wake, pia wanang’oa mizizi ya maendeleo yao. Wakibainisha kuwa kutoweka hisia za ndani katika hizi biashara ni nyota njema inayoangaza mafanikio ya miradi ya familia.Katika suala la hisia mtama zaidi unamwagwa  kuwa,sio kila ndugu ajiriwe au kupata huduma ya bure, ila vigezo na masharti vizingatiwe. Na Italy ambao ni watengenezaji suti wazuri wameachia mikono ya familia inue haya mavazi ya thamani  katika kila  jicho la ulimwengu. Zaidi ya asilimia 90  ya miradi ya kifamilia nchini humo huepuka matumizi mabaya ya faida inayozalishwa na mradi , jambo linalozuia mparaganyiko na kusambaratika kwa biashara zao.Ikumbukwe tu kuwa miradi hii ni ya aina nyingi kama vidonge.Kuna miradi mikubwa kuna miradi midogo.Barafu,karanga,na nyanya za magengeni ni miradi ya familia yenye sura ndogo.Makampuni ya gari,simu,vitabu , ni  miradi ya familia yenye sura kubwa.Unafahamu biashara kubwa za kifamilia ambazo zitakuacha mdomo wazi ?,Basi usichoke, tazama namba moja hadi kumi hapa chini.
1.Toyota

2.Ford Motor

3.Tata group

4.Volkswagen

5.Samsung

6.LG

7.Motorola

8.Siemens

9.Kodak

10.World Wrestling Entertainment(WWE)



Subscribe to: Posts (Atom)

Popular Posts