Friday, June 10, 2016
Kati ya movie za kuvutia na zilizonibadilisha fikra, ni hii movie maarufu ya JUMONG.
Movie hii maarufu wengi waliiangalia na kufurahia mapigano ila mimi nilifanikiwa kujifunza yafuatayo na yakanibadili:
1. 👨🏻Baba yake na Jumong, Haemosu, alikuwa na Kusudi la kutimiza lakini hakufanikiwa kulitimiza.
Funzo: Wazazi wetu wengi hawajatimiza malengo na kusudi zao maishani, hivyo tusiogope, tuamue tu kutimiza kusudi zetu.
Funzo: Wazazi wetu wengi hawajatimiza malengo na kusudi zao maishani, hivyo tusiogope, tuamue tu kutimiza kusudi zetu.
2. 👨🏻Jumong hakulifahamu kusudi lake hadi pale alipokutana na misukosuko kutoka katika familia yake.
Funzo: Misukosuko ina nafasi kubwa kutubadili chanya.
3. 👨🏻Kipaji cha Jumong cha kupiga mishale na kuongoza kilimsaidia kufikia kusudi lake kubwa la kuanzisha taifa kubwa.
Funzo: Kipaji ulichonacho kina nafasi kubwa kukufanikisha maishani ukikijua na kukitumia.
Funzo: Kipaji ulichonacho kina nafasi kubwa kukufanikisha maishani ukikijua na kukitumia.
4. 👨🏻Jumong alifanikiwa kwa kujenga timu ya marafiki 👬wachache na kuwafanya wawe hodari na waaminifu kwake na kutambua kusudi kubwa alilonalo.
FUNZO: Chagua vizuri aina ya marafiki wa kuwa nao na kutokuwa nao. Hawa wana nafasi kubwa ya kukufanya ufanikiwe au usifanikiwe maishani.
5. 👨🏻Jumong alikuwa ana mtazamo chanya katika kila jambo.
Funzo: Hata jambo liwe gumu vipi, bado kuna tumaini na unaweza kufanikiwa.
6. 👨🏻Jumong alijifunza wapi wazazi wake walikosea na akaamua kupatia
Funzo: Jifunze kwa waliokutangulia kwani huwezi kuishi miaka ya kutosha na hadi kugundua makosa yote duniani.
7. 🤔Pamoja na misukosuko mbalimbali aliyoipata Jumong, bado aliweza kufikia Kusudi lake kwa kuwa tu alikuwa na udhubutu na uamuzi sahihi kufuata ndoto yake.
Funzo: Fuata ndoto yako, jiamini na utafanikiwa sana.
Funzo: Fuata ndoto yako, jiamini na utafanikiwa sana.
Tuesday, June 7, 2016
Bahati ni ndoa ya vitu viwili: maandalizi na fursa.Fursa ni msingi wajambo moja,nafasi .Nafasi ni mahusiano ya mambo matatu;nia uwezo na utekelezaji..Palikuepo na mtu mmoja alie amini katika bahati,fursa,nafasi, na utekelezaji .Huyo mmoja alikuwa kiongozi.Uongozi wake ulijaa utani.Hata moja ya kauli yake pendwa akiwa na raia wake ilikuwa ni hii.''Ndugu wana nchi msidharau vitu vidodo,vitu vidogo vinaumiza,kama mnabisha jaribuni kukalia sindano'' .Halaiki ilikufa kwa mbavu baada ya huu utani.Ukitaka kuamini vitu vidogo ni muhimu vinaendesha dunia,na ukivithamini utafurahia ,hautaumia ungana nami kwenye hizi stori zifuatazo
Hakuwahi kujiona kama mpiga ngumi,au bingwa wa makonde kimataifa.Mpaka pale alikumbwa na mkasa mdogo sana.Mohamedi Ali akiwa kijana mdogo miaka kama kumi na kitu ivi.Aliibiwa baiskel anayoipenda .Na akaripoti kwa askari kuwa akimpata mwizi atampiga.Askari alimwambia atamwajibishaje mwizi yule wakati hana uwezo wa kupigana.Basi ikabidi askari amfundishe Mohamedi Ali kuchapa masungwi.Baada ya kuiva hakumtafta mwizi ila akaingia kwenye mashindano ya ngumi
.
2.MOHAMMED DEWIJ
Safari yake ki siasa ilianza baada ya kuona tukio dogo mkoani mwake Singida.Anasimulia''Nimetoka(Singida mjini) km 6 nakutana na mzee mmoja,kulikuwa kuna maji ya njano chini ,alikuwa na ndoo na sinia,amechuchumaa akiteka maji nakutia ndani ya chombo.Nikamsalimia mzee Shikamoo,unafanya nini hayo maji,akasema haya maji ndio tunakunywa sisi.Sikumwamini hadi pale nimefika kwake na kuona watoto wakinywa maji yale yale ,mzee akanisihi MO,kwa nini usigombee ubunge?''Sauti ikamgusa Bwana MO.MO akagombea ubunge.MO akachimba visima .Wananchi wa Singida wakanufaika kwa huduma ya maji.
3.JUX
Licha ya kupenda kun'gaa na mziki ,Juma jux hakuwahi kufikiri kama ni mwimbaji.Jux alikuwa anafanya hip hop kama vijana wengi wa mtaani. Nini kilimbadilisha? Baada ya Jux kumsindikiza msanii mkubwa studio.anatokewa na jambo dogo linaloleta hamu ya uimbaji..Na hapa jux mwenyewe anasimulia .''Tulienda studio na Cyril,Cyril alitakiwa kufanya collabo na Makamua .Makamua alikuwa msanii mkubwa.Basi(Cyril) akampigia Makamua,Makamua akadai atakuja, tulichoma sana mahindi pale(tulikaa sana).Kuanzia kama saa moja mpaka saa tano tano.Maneke( producer wa muziki) akawa kaweka ile Beat.Ile beat imewekwa mie nikawa kama naimba tu unajua mzuka wa studio.Maneke akasikia naimba,akasema ebu imba tena,nikaimba.Akanambia mbona unaweza kuimba kwa nini unachana(kurap).Saa izo naogopa kinoma naogopa ile mic sana,sio nilikuwa naogopa kuimba,nilikuwa naogopa kusikiliza nyimbo yangu mwenyewe kwenye redio,nilikuwa naona aibu sana.Akasema(Maneke) unaweza kuimba jaribu.Nakumbuka ndo mara ya kwanza naingia booth kurekodi''
Thursday, June 2, 2016
''Asiyesoma kitabu kizuri hana tofauti na asiyesoma kabisa''maneno ya Mark Twain.Usomaji kwa jamii nyingi unatazamwa kama adhabu.Ukizingatia wengi tulifundishwa kusoma kwa mabavu.Kushindwa kutamka sentensi moja kwa usahihi ilikulazimu kuchapwa na mwalimu.Ukikosea neno jingine unakufokewa na mzazi,kaka,dada .Inatafsiri kuwa nje na sababu nyingine zinazofanya tuchukie vitabu,kichapo tulichopewa bado kinarejesha mawazo ya adhabu tuliopata enzi za shule na nyumbani. Hali inayotuweka kando na maandishi ya vitabuni.Ukipata muda chonga bongo yako kwa vitabu hivi
2.RICH DAD POOR DAD-ROBERT KIYOSAKI
3.FAMOUS PEOPLE 'SFAMOUS SPEECH
4.HOW TO MOVE FROM POVERT TO SUCCESS-SHIGONGO JAMES
5.THINK BIG -BEN CARSON
6.UJAMAA-JULIUS NYERERE
7.DUNIA UWANJA WA FUJO-KEZILAHABI
8.JULIUS NYERERE AHSANTEH SANA-ROBERT MGABE
Saturday, May 28, 2016
Ndoto sio tu kile kitu unachokiona uwapo usingizini bali pia ni kile unachotamani kukiona uwapo macho na kinakunyima usingizi.Ni mara nyingi miongoni mwetu tumekuwa na ndoto kadhaa.Kupunguza mwili,kupata kazi,kununua kiwanja,kuoa,kusomesha,kufanya biashara na mengineyo.Tuwazapo ndoto za aina hii dhahiri tunafungua vichwa kuwa vielevu,tunavisaidia kuwa komavu,tunaviwajibisha kuwa na busara halikadhalika hatuviepushi kuwa imara .Na njia kuu ya kutimiza ndoto yako ni pamoja na kufanikisha za wengine.Huku ukichukua masomo mhimu kutoka katika usumbufu na urahisi mmoja aliopitia.Ikiwa hapo juu tumeona ndoto ni kama mizizi inayoshikilia shina na matawi ya maisha yetu kwa maana zinagusa afya,ajira,makazi,familia,na uchumi, ni vigumu sana kutenganisha binadamu na ndoto,ndoto na binadam.Swali la msingi ni nini kifanyike ili ''kugarantee'' ndoto zetu? .Yapo mambo mengi ya kufanya ila hapa nakushauri kwa haya mawili matatu ya kuufanya ili ndoto itimie na kudumu milele.
1.ANZA HAPO ULIPO
Namna ndogo ya kukaribisha ndoto kubwa ni pamoja na kuanza kuona kila jambo gumu ni jepesi, kila linaloshindikana linawezekana.Na namna tulivyo leo ni matunda ya maamuzi tuliofanya jana.Inawezekana tunasubiri sana,hatuamini mazingira yanayotuzunguka,au watu tunaoishinao.Lakini ukweli ni kuwa maisha ni popote.Dangote ni bilionea mwenye heshima duniani anayetokea Afrika sehemu iliyowahi kuitwa ni bara la giza.Facebook ni mtandao mkubwa wa kijamii ulimwenguni lakini uliogunduliwa huko mabwenini.
2.TUMIA ULICHONACHO.
Muumbaji wetu ni wa ajabu sana ,wakati wa kuumba binadamu hakumnyima cha kufanya.Kama huna mikono una macho,kama huna macho una miguu kama huna miguu una mikono,kama huna mikono una mdomo na kama huna kinywa basi una akili.Akimaanisha Usipocheza kikapu kama Jordan utakuwa Goal keeper kama Kaseja.Usipokuwa na Sauti ya kuimba kama Steve Wonder utakuwa mzungumzaji mzuri kama Nyerere.Na usipokuwa ''genius'' kama Einstein utakuwa msomi kama profesa Lipumba.Usipokua mwandishi kama Shakespear utakuwa mtunzi kama Shaban Robert.Tumia ulichonacho na ndoto yako itimie..
3.FANYA UNACHOWEZA.
''Kwani wao weweze wana nini na sisi tushindwe tuna nini?''Ni swali alilouliza Juma Nature msanii mwenye ushawishi katika mziki wa kizazi kipya .Kinachopelekeaa mwingine kuweza ni mjumuiko wa makosa na masahihisho wanayofanya.Hutenda kiasi kidogo leo,kiasi kingine kesho na kingine tena kesho kutwa.Jumla ya utendaji huu kwa wiki,mwezi,mwaka ni mkubwa kiasi cha kutisha mtu mwingine .Na kila hatua mpya inakuwa bora kuliko iliyopita.
4.USIVUNJE SHERIA.
''Ukivunja sheria utapigwa tu'' Mizengo Pinda,waziri mkuu mstaafu aliwahi kusema.Hivyo akati tukitegemea neema kuu ndani na nje ya ndoto zetu hatuna budi kuheshimu kanuni na taratibu .Hasa zile zinazoongoza nchi,zinazolinda mtu na kutetea uhuru wa kila mmoja.katika umiliki wa rasilimali.Sitegemei utimize ndoto kwa njia ya wizi,dhuruma,ukabaji,unyang'anyi na njia nyingine zisizo halali.
Saturday, February 27, 2016
Kila wakati wengi wetu katika maisha, ni watu wa kujiwekea malengo. Mara nyingi huwa tunaweka malengo haya, kwani kwa kujiwekea malengo hayo ndiyo hutuongeza na kutuhakikishia kule tunakotaka kufika kimafanikio. Kwa kujua hili, karibu kila mtu msaka maendeleo, kwake malengo huwa ni kitu cha lazima sio cha kuuliza tena.
Lakini hata hivyo, pamoja na kujiwekea malengo mazuri, kwa bahati mbaya sana tena wengi wetu huwa bado hatuyafikii malengo hayo. Hapo ndipo maswali mengi sana ya kwanini huanza kuibuka vichwani kwetu? Kama mambo ni hivyo usikate tamaa, Kwa kufatilia makala haya utajifunza juu ya mambo muhimu yatakayokusaidia kufikia malengo yako.
1. Yajue malengo yako vizuri.
Huwezi kufanikiwa kama huyajui malengo yako vizuri. Ni lazima malengo yako yawe ya wazi kwako. Ikiwezekana yaandike vizuri kwenye karatasi nayaweke sehemu inayoonekana. Kwa mafano kama lengo lako ni kufanya biashara ya ‘stationary’ liandike lengo hilo mahali na lionekane. Kama pia lengo lako ni kufungua duka weka wazi lengo lako kwa kuliandika.
Watu wengi mara nyingi wanashindwa kufikia malengo yao kwa sababu malengo yao yanakuwa sio wazi sana. Siku zote mawazo yetu ya ndani hutusaidia kufikia malengo yetu, kama malengo hayo yana eleweka. Kinyume cha hapo, utakaa sana kusubiri malengo yatimie lakini wapi. Hivyo siri ya kufikia mafanikio jitahidi kuweka malengo yako wazi.
 |
| HAKUNA CHA KUKUZUIA KWENYE MAFANIKIO UKIAMUA. |
2. Jitoe kikamilifu.
Siri ya mafanikio ni kujitoa kikimalifu kwa kile unachokifanya. Hata malengo yako ambayo umeshajiwekea na yako wazi ili kuweza kuyafikia ni lazima ufanye juu chini kujitoa kikamilifu na wala sio nusunusu. Ikiwa utakuwa unayaendea malengo yako, huku ukiwa hujaamua kujitoa kikamilifu tambua ikatokea umeshindwa usishangae hapo kwa hilo.
Kwa kuwa unanajua malengo yako nini, kama kuna kazi unatakiwa kuifanya ifanye kweli kwa nguvu zako zote bila kuchoka. Weka juhudi na maarifa yako yote na kuhakikisha unajitoa kweli. mafanikio yako hayatakuja kirahisi eti kwa kufanya kazi kilegevu. Jitoe kwa kupiga kazi kwelikweli mpaka kieleweke.
3. Kamilisha majukumu yako kila siku.
Unaweza ukawa unayajua malengo yako na umejitoa kikamilifu, lakini huwezi kuyafikia malengo yako kama kila wakti unakuwa hukamilishi zile kazi zinazotakiwa kukusaidi kuyafikia malengo yako. Hapa sasa ndipo unapotakiwa kujilazimisha na kuhakikisha kila jukumu ulilonalo unalikamilisha kwa siku husika.
Kwa mfano kama wewe ni mfnyabiashra ulitakiwa kupga mahesabu Fulani ya kukusidia, fanya hivyo bila kuacha. Halikadhalika akama wewe ni mwandishi na umejipangia kuandika kurasa mbili kwa siku, pia fanya hivyo bila kuacha wala kuahirisha. Kwa kukamilisha majukumu yako kila siku itakusaidia kufikia malengo yako kuliko ambavyo ungefanya mambo nusunusu.
4. Yagawanye malengo yako.
Malengo yoyote ulinayo yanaweza kufikika. Haijalishi malengo hayo ni makubwa kivipi lakini uwezo wa kuyafanikisha upo, ikiwa tu lakini utafuata hatua za kuyakamilisha malengo hayo. Pengine unajiuliza kivipi au nitawezaje kuyakamilisha malengo yangu makubwa? Ni rahisi tu na hata wewe unaweza.
Kulielewa hilo vizuri ngoja nikupe kisa kimoja moja ambacho kinaelezea siku moja fisi mkubwa alimkuta fisi mdogo akimla tembo. Fisi Yule alivyoona vile alicheka sana na kumuuliza utamaliza lini? Fisi Yule mdogo alimwambia nitamla kidogo kidogo mpaka ataisha. Kwa kutumia mfano huo hivyo, ndivyo unavyotakiwa na wewe kufanya kwa malengo yako makubwa. Unajiona una malengo mkubwa yagawe vipande vipande mpaka uyafikie..
5. Tafuta msaada.
Ni rahisi kuyafikia malengo yako, kama utatafuta msaada wa kukusaidia kuyafikia malengo hayo. Acha kung’ang’ania kukamilisha malengo hayo ukiwa peke yake. Yaangalie malengo yako yana husu nini kisha baada ya hapo jiulize je, ni mtu gani au watu gani ambao wanaweza kunisaidia kukamilisha malengo haya.
Kwa kujua watu ambao watakusaidia kukamilisha malengo yako itakusaidia sana kushirikiana nao kwa ukamilifu na kwa ubora wa hali ya juu hadi kufikia mafanikio yako. Tambua na elewa sio kwa sababu malengo ni yako, hivyo unatakiwa kuyakamilisha mwenyewe, hapana. Tafuta kile unachokosa, kisha omba msaada.
6. Kuwa chanya wakati wote.
Kuna wakati tunapokuwa tunajiwekea malengo huwa tunakutana na changamoto nyingi sana ambazo zinatukatisha tamaa. Sasa hali hii inapokutokea ni vyema ukajitahidi ukawa chanya wakati wote. Acha kukataa wala kujiona hufai, endelea kusonga mbele kati kati ya changamoto hizo ulizonazo wewe.
Kuwa chanya wakati unatafuta mafanikio inalipa sana. Tuchukulie kwa mfano unafanya biashara halafu ukapata hasara, hapo unafanyaje? Utaacha au itakuaje? Jibu ni kuendelea na safari ya mafanikio kwa kutambua kwamba hiyo nayo ni hatua ya mafanikio pia. Ndiyo maana tunasema ni muhimu na lazima kuwa chanya ili kuyafikia mafanikio yako.
7. Kuwa tayari kuyapitia malengo yako kila wakati.
Pamoja na kwamba umejwekea malengo vizuri, umejitoa kabisa kwenye malengo hayo, lakini hutakiwi kusahau kabisa kuyapitia malengo yako. Ni muhimu kuyapitia tena na tena malengo kwa kutambua wapi ulipofikia, nini kinachokukwamisha na ufanye nini ili uweze kusogea hapo ulipo kwa kasi zaidi.
Watu wengi wenye mafanikio wanayapitia malengo yao. Wanapita malengo yao asubuhi, wanapitia malengo yao mchana, wanapitia malengo yao jioni. Picha kamili ya malengo yao inakuwa ipo kichwani mwao tayari. Hiki ndicho kitu ambacho unatakiwa ukifanye hata wewe. Pitia malengo yako kila wakati ili yaumbieke vizuri na itakusaidia kuyakamilisha.
8. Jifunze kufurahia mafanikio kila hatua unayopitia.
Pamoja na kujiwekea malengo yetu makubwa, lakini kumbuka kuna yale malengo yetu madogo madogo ambayo huwa tunayashinda. Inapotokea umefanisha jambo fulani, hata kama kwako ni dogo ni vyema ukajifunza kulifurahia. Furahia mafanikio yako siku hadi siku kwa jinsi unavyoyapata. Hiyo itakupa nguvu ya kufanikisha mambo mengine.
Kama kweli una nia njema ya kufikia mafanikio makubwa, basi hayo mambo ni ya msingi sana katika kukusaidia kufikia malengo yako makubwa uliyojiwekea. Jukumu lako kubwa ni kuhakikisha unayaweka kwenye vitendo mambo hayo. Na kwa kufanya hivyo basi utaweza kufikia malengo yako na kutakuwa hakuna wa kukuzuia.
Nikutakie siku njema na endelea kujifunza kupitia DIRA YA MAFANIKIO kila wakati. Usikose kuwaalika wengine waweze kujifunza kupitia makala tunazozitoa hapa.
Ni wako rafiki katika kusaka mafanikio ya kweli,
Imani Ngwangwalu,
Simu; 0713 04 80 35,
E-mail, dirayamafanikio@gmail.com
Siku zote maisha ya mwanadamu yanaaongozwa na miiko au kanuni. Ni miiko hiyohiyo ambayo ilianza toka zamani lakini ambayo lengo lake kubwa lilikuwa ni kutuelekeza mambo yapi tufanye na mambo yapi tusiyafanye katika maisha ili tufanikiwe. Wale waliofuta miiko hiyo ni kweli walifanikiwa, na wale walioikiuka walishindwa katika maisha yao kwa naman fulani.
Kwa bahati mbaya au nzuri miiko au kanuni hizo zinafanya kazi katika maisha yetu mpaka sasa. Wengi huwa hawajui katika hili, lakini upo umuhimu mkubwa sana wa kuijua na kuifuata hiyo miiko au kanuni na kuamua kuachana na mambo ambayo yanawezayakawa kizuizi kwetu cha mafanikio. Katika makala hii tutaangalia mambo ambayo ni lazima tuyaache ili tufanikiwe.
Yafuatayo Ni Mambo Unayotakiwa Kuyaacha katika Maisha Yako.
1. Acha kuruhusu makosa madogo madogo, hatimaye yakawa makosa makubwa na yakakuzuia kufanikiwa .
2. Acha kukimbia changamoto zinazokukabili, pambana nazo mpaka ufanikiwe na kufikia mafanikio makubwa katika maisha yako.
3. Acha kusahau kule ulikotokea. Yapo mambo ya kujifunza kutokana na kule tulikotoka.
4. Acha siku zote kujijengea tabia ya kulalamika. Kama utaebndelea kufanya hivyo utashindwa katika mambo yako mengi sana .
5. Acha kamini kuwa utashindwa kwa kile unachokifanya. Kila mara na kila wakati amini wewe ni mshindi wa maisha yako.
6. Acha kuruhusu pesa ikakutawala. Matokeo yake itawale pesa na hiyo itakusaidia kufikia uhuru wa kipesa.
7. Acha Kurusu hofu ikakutawala maisha yako. Kwa kadri utakavyozidi kuwa na hofu ndivyo ambavyo maisha yako yatazidi kuwa mgumu. Hiyo yote ni kwa sababu utashindwa kufanya mambo yako kwa sababu ya hofu ulizonazo.
8. Acha kuanzisha biashara, huku ukiwa unategemea bahati ndiyo ufanikie. Ondoa mawazo ya bahati na fanya biashara yako kwa kujimini, utafanikiwa.
9. Acha kujijengea tabia ya kufurahia, hasa ple mambo yaw engine yaopkuwa mabaya. Badala yake wape moyo na kuwafariji.
10. Acha kuogopa kusonga mbele, hata kama kuna wakati unahisi kama vile unakwama. Wewe endelea kukazana na kusonga mbele na mwisho wa siku utafanikiwa.....
Makala kwa msaada wa mwungwanablogspot.com
Kwa bahati mbaya au nzuri miiko au kanuni hizo zinafanya kazi katika maisha yetu mpaka sasa. Wengi huwa hawajui katika hili, lakini upo umuhimu mkubwa sana wa kuijua na kuifuata hiyo miiko au kanuni na kuamua kuachana na mambo ambayo yanawezayakawa kizuizi kwetu cha mafanikio. Katika makala hii tutaangalia mambo ambayo ni lazima tuyaache ili tufanikiwe.
Yafuatayo Ni Mambo Unayotakiwa Kuyaacha katika Maisha Yako.
1. Acha kuruhusu makosa madogo madogo, hatimaye yakawa makosa makubwa na yakakuzuia kufanikiwa .
2. Acha kukimbia changamoto zinazokukabili, pambana nazo mpaka ufanikiwe na kufikia mafanikio makubwa katika maisha yako.
3. Acha kusahau kule ulikotokea. Yapo mambo ya kujifunza kutokana na kule tulikotoka.
4. Acha siku zote kujijengea tabia ya kulalamika. Kama utaebndelea kufanya hivyo utashindwa katika mambo yako mengi sana .
5. Acha kamini kuwa utashindwa kwa kile unachokifanya. Kila mara na kila wakati amini wewe ni mshindi wa maisha yako.
6. Acha kuruhusu pesa ikakutawala. Matokeo yake itawale pesa na hiyo itakusaidia kufikia uhuru wa kipesa.
7. Acha Kurusu hofu ikakutawala maisha yako. Kwa kadri utakavyozidi kuwa na hofu ndivyo ambavyo maisha yako yatazidi kuwa mgumu. Hiyo yote ni kwa sababu utashindwa kufanya mambo yako kwa sababu ya hofu ulizonazo.
8. Acha kuanzisha biashara, huku ukiwa unategemea bahati ndiyo ufanikie. Ondoa mawazo ya bahati na fanya biashara yako kwa kujimini, utafanikiwa.
9. Acha kujijengea tabia ya kufurahia, hasa ple mambo yaw engine yaopkuwa mabaya. Badala yake wape moyo na kuwafariji.
10. Acha kuogopa kusonga mbele, hata kama kuna wakati unahisi kama vile unakwama. Wewe endelea kukazana na kusonga mbele na mwisho wa siku utafanikiwa.....
Makala kwa msaada wa mwungwanablogspot.com
Subscribe to:
Posts
(Atom)
Dar+Es+SalaamPopular Posts
-
Hekima huja sio tu kwa kuona matendo yasiyo na busara ndani yake. Bali hekima hujipambanua katika umbo la uelewa na ufahamu ,pale tu uwapo ... -
Ibrahim na Neema huvutiwa sana na mitindo.Ndoto yao juu ya tasinia hii ilianza kwa kupenda haiba na unadhifu.Wakiwa ni vijana wasio na aj... -
Katika moja ya kipindi cha luninga niliona mabishano baina ya watu watatu, hawa jamaa walitofautiana katika misamiati miwili. Msamiati wa... -
Kwa mujibu wa mtandao mashuhuri duniani unaoeleza maada na mambo mbalimbali , Wikipedia the free encyclopedia . Kusoma ni mchakato wa ku... -
Wakati mwili wa binadamu ni kama jumba ,akili huwa kama funguo ikusababishayo kufik ia kila chumba cha maamuzi. Maamuzi hufikiwa baada ya ... -
Ni miongoni mwa maswali ya msingi sana hapa duniani ,mtu kuhoji,kudadisi na kujiuliza maisha ni nini?Kwa kuwa maisha yanagusa kila mwanad... -
Wakati sauti hujaribu kudokeza baadhi ya tabia za ndani, mavazi hodokeza mawazo, fikra na hisia za mtu .Hii hutokana na muonekano unao... -
Matokeo ya kidato cha nne ya mwaka 2013 yanatoka tar 21 februari 2014 , huku mabadiliko kadhaa yakijitokeza. Mabadiliko haya ni pamoja na... -
Kupokea maarifa na elimu kutoka chanzo kimoja,mtu mmoja hadi hatua ya kutafasiriwa na akili ya mtu mwingine,haina budi kuja kwa njia ya kuji... -
Kombe la dunia(2014) ilikua ni michuano ya kabumbu,ambayo ilianza tar 12 mwezi june na kuisha 13 july, huku ilikonga mioyo ya wanamichezo ...
