Showing posts with label picha. Show all posts
Showing posts with label picha. Show all posts
Monday, June 23, 2014

MFAHAMU HUYU

2:19 PM | Posted by | | Edit Post

Kwa rika ni kijana , kijana wa futi 5, mtazamo ni  chanya, chanya inayo aksi elimu  ya juu, idadi ni wa pili kati ya watoto watano wa familia ya mh Abraham.L.Chaula.Ni mwajibikaji, ni mwanamapinduzi na   mwanaharakati asimamapo kati ya ndugu, jamaa na rafiki zake  . Utendaji ni mwana fasihi anayefanya sanaa inayoshabiana na vitu vitatu muhimu ambavyo ni, maisha, mazingira halikadhalika tamaduni inayomzunguka.  Kwake uthubutu ni kujituma, kujaribu na kufikia malengo. Kitu ambacho ni cha thamani na kinahitaji  juhudi zaidi  . Huyu siye mwingine  isipokuwa ni Izacka chaula(Chella), ambaye ni mmoja ya watu waliobahatika kuliona jua takribani miongo miwili na nusu iliyopita. Kwa maana ya kutimiza  miaka    24 sasa toka azaliwe mwaka 1990 , huko  wilayani Njombe (hivi sasa ni mkoa) ndani ya mji wa Iringa. Akiwa huko mwanzoni mwa miaka ya 2000, ana umri usiozidi  miaka 10 , kipaji chake  kama  vipaji vingine kinastawishwa na kuchavushwa na baba yake mdogo anayeitwa Zakayo L Mwalongo (Mtoza Mc)  ,ambaye ukaribu wake na Chella  unajenga kundi linaloitwa MICHANO LUKUKI, kama ngao ya ujuzi  katika uandishi wa tungo maridhawa. Hatimaye mtoto huyu  wa pili kati ya watoto watano anagundulika na karama ya kupenyeza mawazo pevu, endelevu na shawishi  kwa uwezo wake katika uandishi wa beti na mizani mahiri ,jambo ambalo linamfanya awe mjuzi wa matatizo , changamoto na matukio  mbalimbali ya jamii na jumuiya anayoishi. Baadae sifa ya uandishi wa  mashahiri yenye kuonya, kukanya na kufungua mboni na ngome za masikio mengi, inajenga taswira pevu , komavu , pale anapokuwa   shule ya msingi Kibena  mkoani Njombe. Hapo shuleni marafiki wanaelewa na kutambua harakati na Sanaa anayoifanya Chella . Ndipo sasa  anatilia maanani tunu yake aliobarikiwa kuwa nayo na kuboresha zaidi hicho kipaji , anapoingia  sekondari ya Mpechi na Philip Mangula   na kupata  nafasi ya kushiriki shindano linaloitwa Philip Mangula Star Search (PMSS).Tukio linaloandaliwa na uongozi wa shule, mahususi   kutafuta vipaji vya wanafunzi shuleni hapo. Mnamo mwaka 2008 akiwa kidato cha nne shuleni Mangula , Izacka Chaula maarufu sasa kama Chella anakuwa mshindi namba moja  zidi ya washiriki wengine wapatao 30, walioshindana katika tukio hilo la kumtafta bingwa mmoja.  Safari ya matumaini, iliyojaa utashi na wingi wa ueledi inapata mafanikio, pale mshindi huyu    anapobahatika kujiunga na elimu ya kidato cha sita, Kwiro Boys high school, huko wilayani Mahenge Ulanga, mkoani Morogoro. Ni ndani ya mji huo usio na bahari, hisia za kutaka kurejea studio zinamshamiri  mwanafunzi huyu  . Hivyo anashawishika  kuandaa tungo ya nyimbo yake ya kwanza anayoipa jina la “Rudi mkoa”. Kibao kinachoelezea tabia ya vijana wengi kulowea katika miji mikubwa kama Dar es salaam huku wakisahua kurudi mikoani mwao.Ila utunzi na Sanaa hii haibadiri dira na imani yake katika elimu, kwani yeye huamini  kuwa, elimu ndio taa inayoweza kufukuza giza la ujinga na kurejesha nuru ya maarifa. Mwaka 2011 mwanaharakati huyu anafaulu kidato cha sita, hivyo  anajiunga na masomo ya juu katika chuo cha SAUT Mtwara (STEMMUCO ). Akiwa chuoni hapo anapata fursa ya kuwa mmoja kati ya  wanachuo wanaounda kundi  linalojihusisha na maswala ya muziki na sanaa,kundi hilo linajulikana kama Stemmuco All Stars  .Vitu vitatu anavyovipenda chella ndani ya kundi ni umoja na ushirikiano wa wanazuoni,vipaji vikubwa walivyonanvyo wasomi wenzake na michango mizuri itokanayo na mitazamo chanya. Mbali na shughuli za kikundi , thamani na mchango  wa wanakikundi ,Chella amekutanisha mawazo yake na watu wengine  wenye tunu ya kuandaa mashahiri yenye shabaha katika  kuelimisha na kufunza. Hawa mahodari wa fasihi andishi ni pamoja na Mtoza mc, Domokaya, BeckaTittle, Jebby Mubarak, Joseph Haule’’ prof jay’’, P-the MC, Juma Kassim Kiroboto ‘‘juma nature’’ Juma Jazz , Nicolazo n.k.Wanaomsaidia Kutoa kwa ufasaha kila aina ya uwezo na kitu alichanacho msomi na mtanzania huyu. Anafanikiwa kuandika mashairi mazuri na hatimaye kutia sauti yake inayoibua chachu , mapinduzi, na mabadiliko ya sanaa yake.Hali hii ni kielelezo tosha  jinsi mwanaharakati, mwanamapinduzi na mwajibikaji huyu  anavyopigana kwa hali na mali  hata kuingia mikoa zaidi ya mitano ,mitaa zaidi ya tisa,katika studio zaidi ya 10 ,akifanya kazi na waandaji wa midundo(music producer) wasiopungua 7 na kushirikiana na wasanii wanaonzia 10 hadi 20.Chella amefanikiwa kuingia baadhi ya miji kama  Dodoma, Dar es salaam, Morogoro, Iringa, Njombe Mbeya, Ruvuma na Mtwara . Akifikia mitaa mbalimbali  ya mikoa hiyo kama Railway, Masaki, Kinondoni, Kigogo, Mbezi, na kuingia studio za Tongwe Rec, Mkubwa na Wanawe, Koma studio, Robbies Rec , Kp Rec, Shine Rec, Natal Rec, Baridi Touch, E-Lab,Kimya Rec , Mama Land Rec, George Rec,Goka rec,AB Rec  na nyingine  nyingi, chini ya waandaji mahiri wa muziki  nchini wakiwemo akina Geof Master(manuva), Kona Beats,Main, Jero,Pezo,Tonny(Efficiency man), Necka Beats, Jose Braiz Beats,Kagusa Andrew. Uchaguzi wa  wadau hawa wa   muziki , umezingatia  vitu vikuu viwili ambavyo ni, uchipukizi na ukongwe wao katika tasinia ya mziki, unaochangia   kazi kuwa  na uzuri. Upekee na ubunifu tofauti wa kazi zao. Mantiki inayopelekea kuonekana kwa vionjo vya kiasili na radha iliyojificha ndani ya sanaa na kazi za mwana hip hop na msomi huyu. Baadhi ya kazi ambazo Chella kafanya ni pamoja na Rudi mkoa (Dar imekupa kiburi), tatizo nini (ft Geof Master), nitafika ft becka Title, mimi na Yule ft Juma jazz, ningezaliwa Dar, naongea na wallet, Bado napambana,jiulize , usiniache , Azimio la kijiji n.k, . Kazi hizi na ushirikiano  alioufanya  msanii huyu na wajuzi wengine toka nje na ndani ya tasnia ya muziki imesaidia katika kumjengea mtazamo  wa ziada  Ukiachilia kando kimkoa, kikanda na kitaifa Chela ana mtazamo na ndoto za kufikia ngazi ya kimataifa kwa kufanya kazi bora zaidi kama zile za kina Marshall Bruce Mathers ''eminem''na wana hip hop  wengine wanaofanya vizuri duniani kote. 
                                                      
 




















Monday, May 12, 2014

SIFA ZA BARA LA AFRIKA

11:19 PM | Posted by | | Edit Post
Kila kukicha bendera ya Afrika inazidi kupepea.Kwa mujibu wa takwimu za umoja wa kimataifa , 2013. Kati ya mabara saba duniani, Africa ni sehemu ya pili kwa kuwa na wakazi wengi ulimwenguni wanaofikia idadi ya watu billioni moja . Kwa namba hiyo eneo hili lenye jumla kubwa ya waafrika linakuwa nyuma ya   Asia,  bara lenye wanaume na wanawake wengi  wanaokadiriwa kufikia bilioni nne . Afrika tofauti na mabara mengine  ni mahali panapotoa fursa ya wanadamu kuishi kwa upendo , kuishi kwa mshikamano na kusaidiana kama ndugu wa familia moja. Ukaribu unaojengwa kwa kiasi kikubwa na tabia ya utu . Tabia hii nzuri ni zao la  utamaduni usiohoji maswali kama wewe ni nani, unatoka wapi, unamiliki nini n.k. Wanasema ukitaka kuona shina la ukarimu, mizizi ya uungwana chonde chonde usisite kukanyaga ardhi ya Afrika. Ukitaka kuona ngozi ya kipekee iliyobeba mvuto na mwonekano asilia kama ''chocolate'' hima hima rejea barani Afrika.Pia ukipatwa na shauku ya wanyama wazuri,  madini ya kipekee, misitu na mbuga kubwa zenyekustaajabisha moyo na macho kamwe usisite kufika Afrika. Kwa kuwa ni mahali sahihi kwa hadhina hiyo. Kama haitoshi, sura nchi ya eneo hili lenye  watu wenye nguvu nyingi , linazungukwa na bahari takribani nne, ikiwemo ile ya Hindi, Atlantik,  Meditreniani na bahari Nyekundu ''Red sea''. Toka usawa wa bahari Afrika imemejaariwa miinuko mikubwa, milima mirefu hata kufikia zaidi ya mita 58OO . Mfano mwepesi kabisa  ni mlima maarufu ulimwenguni, kilimanjaro. Kando na vilima, mipando na aina nyingine za miinuko yenye kupendezesha macho sana. Bara hili lenye   kabila nyingi za  asili ya kibantu  lina mabonde, miteremko na nyufa ambazo ni njia na nyumba ya maziwa , mito na chemchemi. Sehemu hizi za maji zina majina makubwa  yavumayo Ulaya, Amerika, Australia na kwingineko ulimwenguni .Ukiachilia mbali ziwa Tanganyika na mto  Naija kuna ziwa Victoria na  mto nile  kama vivutuo maarufu  . Lakini ikumbukwe  ni ndani ya mabonde ya bara la Afrika tu  ambapo historia inasema,  fuvu la binadamu wa kwanza duniani lilivumbuliwa. Baadae teknolojia  ikathibitisha masalia ya mafuvu hayo na ya viumbe hai  wengine walioishi miaka mingi barani hapa,  imechangia wingi wa nishati ya  gesi na mafuta katika ardhi ya Afrika. Nishati hii inaweza kuzalisha umeme mkubwa sana.Gesi ya Mtwara ,Tanzania na Oil ya Naija Dellta, Naijeria ni mfano kidogo tu wa nishati hiyo iliyojificha mabondeni humo. Mwisho ni vyema kujifahamisha kuwa kama binadamu anavyopitia vipindi kadhaa hadi kukua. Halikadhalika  ardhi hii ya watu weusi imepiti vipindi vikuu takribani sita. Vikiwemo vile vya ; ukuaji wa miji  ''state formation'' ,  kukutana na wageni ''the early contcact'' , biashara ya utumwa,  biashara harali  '' legitimate trade'' ,  ukoloni,    uhuru  na hatimaye ukoloni mambo leo '' neo colonialism''









Mbuga ya Serengeti ni miongoni mwa vivutio vikubwa barani
Afrika na hapa ni wakati wa mawio

Dhahabu

Almasi

Madini ya Tanzanite




Twiga wa Afrika
msitu wa Kongo


mto Nile






Wageni toka mabara mengine wakikaribishwa Afrika ,hapo juu ni msanii Shaggy
umoja na ushirikiano ni jadi isiyofichika barani Afrika
Visura wenye rangi ya chocolate ni chimbuko la Afrika






Wednesday, November 6, 2013

THE BIG SCORE 2013

12:32 AM | Posted by | | Edit Post
Ni jumamosi, wiki ya tatu ya mwezi oktoba,mashindano makubwa yanayoshirikisha michezo na burudani mbalimbali katika chuo kishiriki cha SAUTI,Stella Maris Mtwara, yakiarudi  kwa kishindo kikuu. Haya mashindano ni maarufu sana kama BIG SCORE. Huku mwaka huu, 2013 yakichukua sura nyingine kabisa. Mashabiki, wachezaji na viongozi hawarudi nyuma pia kufanya kila liwezekanalo katika kuboresha sura hii mpya. Msimu huu washiriki wanaongezeka. Wakitoka ngazi tofauti za elimu kama ngazi ya cheti,stashahada na shahada. Mbali na wimbi la ushiriki, michezo ya mpira wa miguu, mpira wa pete, mpira wa kikapu na mpira wa mikono unatiwa hamasa na radha kwa ingizo jipya la wachezaji hodari na mashabiki machachari. BIG SCORE kama mashindano mengine, inaundwa na uongozi wenye  malengo mengi. Moja ya malengo hayo ni  kukuza na kuendeleza mahusiano mema baina ya washiriki. Kwa maana ya wanafunzi, , viongozi,  watawala, wafanyakazi na watu wengine ambao ni sehemu ya jamii ya hiki chuo,Stella Maris Mtwara.Hapa chini  ni baadhi tu ya matukio yaliopata kujiri katika uzinduzi wa mashindano haya ya wanataaluma.
1
































Subscribe to: Posts (Atom)

Popular Posts